他們說

「會死的，除了愛人，家人，朋友和知己，原來還有自己喜歡的東西。
都說『食幾多，著幾多，整定既』，這才想到聽日死的未必是自己，
想食的想著的卻有可能明天在世界上消失，一樣無可挽回。」

ｆｒｏｍ《生於天橋底》黃偉文

「年紀大了之後無法挽回的事情數目會增加啊」

ｆｒｏｍ《世界末日與冷酷異境》村上春樹

以上兩個男人
最近深得我心

我已經擁有上者既《俗ｌｏｕｄ》《生於天橋底》
至於後者，
本人計劃購買佢８成作品
淨係果兩成係因為有ｄ作品題材自己冇乜興趣姐

唔好問我睇唔睇得明佢既書
首先，每個人睇法唔同
就算你睇得明都未必仲意
而且，佢有ｄ似黃家衛
書中偶爾會出現格言（俗稱金句）
唔同人對唔同格言有唔同聯想
正於你上網搵村上先生既書評
你係搵唔到既，因為全部都係讀後感多
因為沒有寫得好與唔好，邊個橋段好，邊個情節好
只有感想。

唔信？買本睇下囉，笨
個人認為村上先生既長篇小說比短篇更加輕鬆入門
不過睇完唔洗同我交換心得
（題外話：林宥嘉出席《１ｑ８４》係台灣搞既首讀會，據知佢都有睇村上，
所以我每晚係夢中都有同佢傾下村上，講完。）

村上先生作品數量什多，要儲齊佢８成作品恐怕係明年今日既事
但我已經定下左村上之後既目標，
就係米蘭．昆德拉 是也。