下次唔敢啦

今日我如常地搭118返屋企
如常地係架車度訓著

點知....

醒返既時候..
見到架巴士已經熄哂燈
望下周圍.. 原來到左巴士總站
又訓過頭
其實唔係第一次.. 我成日都訓到藍灣先落車
幸好由藍灣行返屋企好近姐

但係.....

當我一落車
點解藍灣半島好似唔同左樣既

原來呢度係海怡半島-___-"
即係我由旺角一直訓
訓到入小西灣再出返海怡半島
有冇咁好訓呀... （呢句係我自己問自己既）

結果我要由海怡半島搭車出ＣＢ再轉車返小西灣
Ｄ車錢夠我去買盒章魚小丸子食啦‥仆街