怪獸家長案例

• 一名老師被家長要求每天早上赴學生家，接學生上學。
• 另一名老師被要求每天要查看天氣預報，告訴學生隔天是否要帶傘。
• 有些學校被迫要為學生洗運動服，剪指甲，或為了某個特定小孩沒有很多照片出現在年報上，必須整本重編。
• 一名母親質疑自己的小孩是否打破學校窗戶，因為他丟出去的石頭跟他撿來的不一樣，她為了必須向公司請假來了解這件事，要求學校賠償工資損失。（依Ｄ咪係屙屎唔出賴地硬囉）
• 一名被學生母親要求在學校旅遊日當天，為她小孩帶午餐的小學老師。這個老師果真帶了午餐，因為她擔心要不這樣做，小孩就無法參加校外旅遊。

我愛過的男人們

第一位....   年輕得碰著誰亦能像威化般乾脆

小學果時沉迷程度爆哂燈(果時有邊個唔迷佢?)

由<早知>開始... 去到<香水>所有碟我都買齊哂
逢親佢做封面既,,仲有一本YES既放大版全部都唔放過( 我都唔知我果時D錢係邊度黎)
係電視見到佢會發出尖叫或怪叫..間房有佢既親筆簽名POSTER
直到中二果時.. 突然間佢既魔力對我完全無效... 唔係因為頂包案
可能我長大左掛.. 覺得食煙掟結他扮無奈無野好講長毛其實唔係好有型姐
反而依家已有家室成熟左定性左既佢.. 先真真正正有佢既吸引力
不過有樣野不得不承認.. 由TEN MOST WANTED 開始佢所有碟既質素全部係水準之上
難得出身英皇既佢可以有呢D質素

BY THE WAY ... 我所有謝霆鋒碟全部唔見哂...   係全部呀!!佢地好明顯係我好重要既童年回憶黎... 全部俾我呀哥借哂俾人...
而佢D梁詠琪就完整無缺全部係齊度... 你話個世界係咪公平

第二位... 你你我我都是祖與占

迷佢原因..... SIMPLE~~~ 靚仔囉..

佢係<愛上我吧>入面真係好討好架
不過如果係依家既我.. 應該係會愛上唱流轉憶記果個男仔
可能仲意佢都只係健立係一個好膚淺既原因上面..
所以我仲意左佢大約一年就過檔去又南度LU~~~

第三加第四...

佢兩個真係真係真係好型~~~~

係HIDE死左之後先仲意佢... 我都唔知係好彩定唔好彩
至於SUGIZO~~我叫LUNA都係因為佢咋...問你死未

PS~~~ 其實仲意霆鋒果時已經好仲意LUNA SEA既I FOR YOU
所以果時知道SUGIZO作左今天你生日同後遺俾佢好開心
另外據聞I FOR YOU 其實係SUGIZO作俾HIDE

NEXT~~

中四中五既我轉投電影懷抱~~~亦都投入左周慕雲懷抱

佢成個人... 成個氣質... 精湛既演技... 果對電眼

你羸哂啦...五屆影帝

我知道佢俾人感覺好悶.. 或者好沉默啦

但個人極度推薦<同居密友><每天愛你8小時><天下無雙>

入面既佢超級FUNNY~~~

他們說

「會死的，除了愛人，家人，朋友和知己，原來還有自己喜歡的東西。
都說『食幾多，著幾多，整定既』，這才想到聽日死的未必是自己，
想食的想著的卻有可能明天在世界上消失，一樣無可挽回。」

ｆｒｏｍ《生於天橋底》黃偉文

「年紀大了之後無法挽回的事情數目會增加啊」

ｆｒｏｍ《世界末日與冷酷異境》村上春樹

以上兩個男人
最近深得我心

我已經擁有上者既《俗ｌｏｕｄ》《生於天橋底》
至於後者，
本人計劃購買佢８成作品
淨係果兩成係因為有ｄ作品題材自己冇乜興趣姐

唔好問我睇唔睇得明佢既書
首先，每個人睇法唔同
就算你睇得明都未必仲意
而且，佢有ｄ似黃家衛
書中偶爾會出現格言（俗稱金句）
唔同人對唔同格言有唔同聯想
正於你上網搵村上先生既書評
你係搵唔到既，因為全部都係讀後感多
因為沒有寫得好與唔好，邊個橋段好，邊個情節好
只有感想。

唔信？買本睇下囉，笨
個人認為村上先生既長篇小說比短篇更加輕鬆入門
不過睇完唔洗同我交換心得
（題外話：林宥嘉出席《１ｑ８４》係台灣搞既首讀會，據知佢都有睇村上，
所以我每晚係夢中都有同佢傾下村上，講完。）

村上先生作品數量什多，要儲齊佢８成作品恐怕係明年今日既事
但我已經定下左村上之後既目標，
就係米蘭．昆德拉 是也。

下次唔敢啦

今日我如常地搭118返屋企
如常地係架車度訓著

點知....

醒返既時候..
見到架巴士已經熄哂燈
望下周圍.. 原來到左巴士總站
又訓過頭
其實唔係第一次.. 我成日都訓到藍灣先落車
幸好由藍灣行返屋企好近姐

但係.....

當我一落車
點解藍灣半島好似唔同左樣既

原來呢度係海怡半島-___-"
即係我由旺角一直訓
訓到入小西灣再出返海怡半島
有冇咁好訓呀... （呢句係我自己問自己既）

結果我要由海怡半島搭車出ＣＢ再轉車返小西灣
Ｄ車錢夠我去買盒章魚小丸子食啦‥仆街

商台2010年音樂會計畫

拉闊音樂會

5月6日
張敬軒×側田×林宥嘉

9月26日
何韻詩×黃耀明×林海峰

11月24日
方大同×王菀之×台灣歌手  (台灣歌手可圈可點呀下....
如果係張懸呀...1974呀什至其他唔識但有料既 indie歌手我十分樂意...)

單咪匹馬大戰三頭六臂

7月28日-7月31日 九龍灣國際展貿中心展貿廳3

莫文蔚×swing
薛凱琪×Dear Jane
G.E.M×MR
許志安×RubberBand

我已經發左誓要睇bold左紫色字果幾場... 由於我都唔知903搞既任何活動係點入手
所以我已經做好心理準備買黃牛

２月我做過乜野？

只可以講２月好ｘ忙

第一個星期係ｓｅｍ　ｂｒｅａｋ
７日裡面返左５日，其中有４日係連續返‥
講多次，其中有４日係連續返

或者普通打工仔覺得冇乜出奇
但平時既我‥‥即係過住西人優閒生活既我
平時一個星期最多返兩日架咋
呢４日仲要係返１１００～２２００
同落地獄冇分別

同老豆加呀媽餐團年飯一推再推（兩餐黎架～）
終於係第二個禮拜食哂

然後經歷最攞你命３千既年三十
（返工時間係１１００－００００，食兩餐，但每餐得半個鐘）
係果日我每個鐘多＄５，但未至於要受ｄ咁既疲勞掛？

過左個新年都係過ｄ返學逃學放學返工放工既日子
最後除左校內同學仔之外
與朋友們既ｃｏｎｔａｃｔ係＿＿＿＿＿
只有一餐生日飯局

我唔係要怨乜野
呢個月（什至係呢年）既疲勞係有回報既
如果唔係我邊可以百幾蚊買本diary咁奢侈（依家諗返簡直係鬼上身）
書，ｃｄ，日用品，置裝等費用只要等下個月出糧就成事

不過呢個二月似乎預言出我未來既生活喎

所以我發誓，寧願做個知道幾點收工但工作沈悶既ＯＬ
都唔要做ｓａｌｅｓ啦～～～～～

我唔想次次收工都冇車搭
所有活動要等夜間時分
所有嗜好只可以等放假先做
但放假又攰到唔願郁
對唔住，呢ｄ生活我頂唔順
你有聽過謝安琪既<活著>嗎？
長埋頭在幹最後忘掉了好好的活 　尋覓快樂　但得到　全是雜物或皂泡