偶像

有冇諗過

當有日突然係街度遇見自己既超級偶像
會同佢地講D乜？

這是我的心聲

• 見到千嬅

我會叫佢快Ｄ離開黎明離開ａｍｕｓｉｃ
拿拿林係生仔前搵人山人海一齊出碟
仲有叫佢唱ｌｉｖｅ唱好ｄ‥

• 見到林宥嘉

用超屎既普通話同佢講新碟好好聽‥‥
恭喜佢走出少年維持的煩惱‥重拾自信
叫佢快ｄ黎ｈｋ演唱會

• 見到蘇打綠

我想同青峰合唱藍眼睛呀
亦都想同青峰做個好朋友... 了解佢多D
近朱者赤... 或者可以有佢咁有文采
仲有~~叫呀龔即場示範點樣一路夾住個小提琴一路彈keyboard

• 見到蔡健雅

唔洗講咁多.. 唱歌俾我聽啦
你係街度唱
我坐係地下聽都得架

• 見到rubberband

我有去睇你地既唱會... 你地既歌充滿正能量
我每日至少要聽一次阿波蘿同發現號
請你地唔好放棄... 你地已經踏出左好大既一步啦
若果你地有幸得到叱吒十大或者組合金獎
我一定..一定開心到喊

• 見到柏芝

你咁靚.. 真係唔敢同你影相呀
你有美貌..你有演技..你有個性
如果我真係要整容我實整你個樣呀~~~~~~~~~頂你
出黎拍戲啦..好冇

• 見到又南

繼續拍戲啦
男演員係要捱出黎架..
總有一日... 你會有遇到俾你發揮既角色
然後擠身一線男演員行列


話明心聲
梗係擺係心裡面啦...
若果真係天有眼俾我見到上面果炸人
我邊會有膽同佢地講咁多野丫

最多叫佢地同我影相
然後口窒窒咁同佢地講：我...我.... 係你.....你係我fans.... 唔係... 我係你既屎...唔係唔係..我係你fans

抱起了幾千攝氏陽光

20091123

RUBBERBAND踏上九展舞台

你地默默耕耘 我默默支持

當全世界都聽Mr.既時候‥‥

我淨係聽rubberband~~吹咩

6號你走音... 唔記得歌詞.... who cares?

你地的確一次過將rubberband所有歌送俾我地..well done

RUBBERBAND ... 未來既路..我地一齊行落去啦



我真係唔明

當6號話發現號係最後一首歌既時候

超級代表作阿波蘿都未唱...

有D粉腸真係走.. 你地真係醒

寧願走果時唔洗逼巴士而放棄最精彩既ENCORE

不變的宇宙 那裡有我想要的生活

以下幾個人..
他們過的生活確實令我10萬個嚮往

• 黃偉文

睇完佢本書... 旅行根本就係佢生活既一部分
以前佢做電台星期1-5
任性既佢好仲意星期5請假... 以後黎個3日半既短期旅行
去邊度或者做乜野根本唔係重點
純粹係為左個"去"字

係咪好型呢~~~
仲有一句仲型
就係當飛機起飛既時候，

佢心入面諗住:　「幾時可以去一次旅行，感覺唔係離問一個唔開心既地方，而係去一個充滿希望既地方呢？」

• 我表姐

 收入話多唔多，話少唔少

但我肯定佢心靈上係富裕既

之前佢就去學整公仔
依家就去學拉二胡
但依兩樣野對佢事業完住冇關係

有時去學野，真係唔一定在乎係學完之後會有咩證書，或者第時可以搵到咩工
反而可以係你日常扮演既角色抽離少少時間，
去做真正既自己

• 　sex and the city一眾女主角

我當然羨慕佢地４個好朋友可以時時見面
得閒交換近況啦

拍戲還拍戲
我諗現實生活中
可以見面如此頻密既朋友，我諗佢地一定係失業好耐　

除此之外，若果現實中有人性生活係似佢地咁精彩既話
果個人一定唔係有愛滋就係性病喇～

超級星光大道

我是超級星光大道第一屆的超級超級超級粉絲
我非常後悔我既後知後覺
個比賽選完我先知道有呢個比賽
如果唔係.....
我實買機票去台灣親身感受當時比賽既氣氛~~~~~~~~~~~~

感受下:

• 老蕭連還pk楊宗緯
• 楊宗緯既歌聲如何感動到落淚
• 林宥嘉ｎ次拎滿分
• 許仁杰內儉但細膩既歌聲
• 潘王子既英俊
• 安伯政既低音
• 只有12定13歲既謝震廷唱功同側邊既大人有得揮
• 李宣榕既美腿
• 廢物之王劉明鋒既經典走音或者接近走音邊緣

如果比我揀多次.. 我心目中既排名一定係:

冠軍 --- 林宥嘉
亞軍 --- 許仁杰（你被foul 果集我喊死左架~~~~~如果唔係果集自彈自唱失手..你肯定係5名之內..劉明鋒個廢物就一定返屋企食屎）
季軍 --- 安伯政（你把聲靚到咁 ... 無奈你既自信又低到嘔.. 每次出場例必忘詞）
第４ --- 楊宗緯（係‥你唱慘情歌真係天下無敵... 你唔退賽既話...你真係好大機會攞冠軍
但我就係唔仲意大熱既人... 反正你攞第幾名都紅架啦... 不如讓下其他人）
第５ --- 周定rain / 潘王子 （其實我對舞王周定rain 冇乜感覺.. 唔係特別仲意但又唔討厭..
但我有次見到佢又唱又跳又單腳又拱橋... live都仍然唱得好好...
所以唱片公司不妨捧下佢... 撼下羅志祥都好丫... 上次WDO聽過小豬唱歌..
SORI... 真係唔掂~~~~）


另附送劉明鋒經典走音片段．．．睇５萬次都咁好笑

http://www.youtube.com/watch?v=ctw32Nz9u0Y

原來過得不快樂 ... 只有leon未發覺

一直以來 ..千嬅既歌無時無刻都好切合我心情

前排最失意既時候.. 剛巧千嬅plug左<我在橋上看風景>

眼前雪山　難於將它放入我家

正如這感情　溶於身體裡面會更瀟灑

狀態不穩既林若寧總算有返d水準....
 
 
某一年二月三日.. 對千嬅疼愛有加既林夕送左首<楊千嬅>俾千嬅做生日禮物
 
我亦都以入面既歌詞不停勸勉自己
 
如果想照耀萬人　請加點信心

如果想抱住情人　請吸取教訓
如果想快樂做人　請敲敲你心
如果可磊落做人　你會更吸引



千嬅曾經講過... 最能代表佢心聲既歌就係<超齡>同埋<笑中有淚>

隨心　戀愛吧　永不超齡 帶著十八的心境

你感情開心結果.. 我鄧你開心..即使我唔仲意丁生


如果將來能得到誰 其實多得這過去


最後.. 若我有幸找到命中既祖狄羅

我會日日唱<原來過得很快樂>俾佢聽... 問你死未

原來在快樂中便得必明白快樂

原來愉快共處未必需要學


聽說千嬅今年約滿amusic
亦會出4cd單碟價既精選碟
但並不包括佢係amusic既超級精選作品
good news~

蘇州裡的不是我

許了個生日願望


不外乎都係果幾個老土願望
我知道會實現
但唔該快d~~

你環保嗎？

徵收膠袋稅真的有成效嗎

我唔夠膽講話完全無效，但亦都唔見有效得去邊


師奶們自然有佢地既方法

例如：

唔用膠袋‥咪有超市入面ｄ唔收錢既透明膠袋裝野囉

好啦‥有環保袋啦‥卻不明白當中意思

係叫你循環再用‥唔係叫你不停咁攞

粉腸們好仲意自己買左既野已經有個環保袋裝住，另外再叫人俾多個

最後，屋企ｄ環保袋多到山咁高

冇地方擺最後咪又係dum左去

結果‥處理環保袋比處理普通膠袋所釋放既唔知咩氣體更加有毒


最尾都係一ｄ都唔環保

我曾經都做過呢d粉腸

但我已覺悟

連用張紙都要三思

出街都會帶環保袋




你呢？