20 Nov 2012 - 吉他夜

首先要感激黃牛，$200張飛坐紅區，位置唔錯。

這場音樂會是史無前例的。
三人各自帶了自己既BAND 來，彷彿三名懸紅過億的船長帶來自己的海賊團來比武（係，我睇ONE-PIECE 睇上腦）

ROCK MUI 的表現非常驚艷，仍然好想聽多次佢翻唱的春風吹...

唯一美中不足，就係四周都是石像............. 你地黎睇朗誦的嗎？

獨個也很精彩

16 Sept 2012

兩年前聽到AT 17 分道揚鑣，心情有點復雜‥
不捨，因為AT 17 陪隨住我既中學回憶。
期待，因為佢地當時既定位俾我既感覺確實有點停滯不前...not a girl.. but not yet a woman

一年後，二汶和ELLEN不負眾望，各自大放異彩
最初，係youtube聽到二汶係前度音樂會既歌已經非常飲恨自己冇親身捧場
幸好，上個月還有一場 

過去都係見到二汶同ellen 牛記笠記配converse然後彈住結他唱唱唱，
如今，二汶身旁不是ellen，而是一流既hus band，
身穿小洋裝高爭鞋化上彩妝，彷彿以歌姬技態步向舞台，專注歌唱，非常驚艷

從來二汶既聲線都有種攝人既魅力‥
即使全場沒有音樂‥只有二汶獨個的聲音都足以唱到心底

我深信at 17 的短暫分開並不是白過‥
單飛又好，複合又好
AT 17 is yet to come

秋遊 - 下篇

整個星期忙到透唔到氣，人心俱疲，大腦要嘔出一粒字既力都冇~~

上回去到廣州之旅第二日既上畫，去左係香港唔會搵到咁精緻既古老建築陳家祠。
之後就來到非常熱鬧既上下九步行街

其實同北京路步行街大同小異，街道窄ｄ‥人又多ｄ‥有人cat two 同埋見到有個小朋友周街小便之外‥真係冇乜野既....~!@#$%^&*(

途中不斷見到翻新過既古舊建築‥依然會令我聯想起小芙蓉會否突然出現

臨近夜晚，我地就擮的士到白雲山睇燈飾...

*由於之前幾個景點擮的士都非常困難，唔係擮唔到，就係俾強國人爬你頭擮左（你老味）最後請教司機教路，佢建議繁忙時間要係相反方向擮車。

其實白雲山並唔係我地既行程之內，只不過中秋節一場黎到，不妨搵個地方賞個月。

總結：白雲山其實係山寨迪迪尼，你話係唔係-_-"

我從未見過咁靚仔既harry porter ...

終於到左day 3~~ 

其實好應該一早食完早餐收拾行李.....然後準備回港...

可惜我地唔蝕底... 上畫去埋石室聖心大教堂

真係一座非常非常非常靚既建築‥（但願那條"慶祝國慶"既banner 可以消失就好）

秋遊 - 上篇

連放四日假，興其留係香港呢個可屎森林，倒不如出外效遊。

我每月經濟拮据，沒有太多盤川，唯有同男友到強國既又平又靚酒店休息一下啦。

請別要一聽到"強國"就首先掀起負面情緒先，今次目的地係廣州，算是全中國比較文明的城市來。

偶爾趁假日到廣州或其他鄰近城市充電是不錯，特別係在中國，好多靚既酒店都十分便宜。今次既三日兩夜行程，我地揀既係廣州翡翠皇冠假日酒店，位置十分方便，一出火車站直行十分鐘。

國慶黃金週，港人到內地，內地人來港，整個羅湖站迫滿人。廣州火車站一到四點就實施人流控制，十二點幾出發，結果差唔多四點先到酒店=___________="

好，休息一下，就出發到第一個景點 - 北京路步行街

雖然已經在附近的麻甩中菜館吃過晚飯，但男友依然繼續想食（變態-_-"）
於是到這間過百年歷史的太平館餐廳來個甜品

這個焗雪糕，看似很巴閉，實際上同食空氣無分別

熙來攘往的北京路

十分喜歡北京路步行街的氛圍。熱鬧但不擁擠，周遭的大廈是將原有的古色古香的建築物修建過來，原有風味得以保留，更會令你聯想起小芙蓉會否從某個神秘角落飄出來。很可惜身處的香港，只將原有被認為老土過氣的建築拆掉，層層疊的進化，變成一座座面無表情，copy出來的商廈。

沿途有某幾處路面特別分隔了，原來是千年前的遺址（忘了拍照，只係google一下）

Day 2 - 酒店的床好舒服呀呀呀呀呀呀，不停賴床，好不容易９點半起身（平時放假，唔到１１點你都唔洗指意我起身）

第二天的行程比想像中豐富。首先第一站 - 南越王墓 （西漢時期南越國第二代王趙眜的陵墓。）

穿過地道，就直通墓室。雖說是個墳墓，但似平常單位，幾間房分隔開，原來當時總共有14個人陪葬。

不知道陪葬的人在那一刻是否死去，但當我進入墓室後，幻想到當那道墓室石門一關，然後獨個（或與其他陪葬者）待在那個密封暗黑的墓室，沒有空氣，宿命性地慢慢死去，然後腐化‥‥‥

還是停止這個幻想好了。

然後下個站到越秀公園。應該是廣州十大必去景點之一，公園內有鎮海樓、明古城牆、四方砲台、中山紀念碑等等。

這是德國制的大炮

這是中國製的....土炮 -_-"

行完越秀公園， 都只係下午３點幾４點。又到下一站 - 陳家祠

廣州陳氏書院，俗稱陳家祠，籌建於清光緒十四年(1888)，至二十年(1894)，是廣東七十二縣陳姓族人捐資興建的合族祠，併為廣東各縣陳姓子弟赴省城讀書應考提供臨時居所。

非常驚嘆陳家祠既建築可以咁精雕細琢，而且環境亦十分清優。

好吧，這篇上半部的秋遊足足用了兩個鐘‥‥（當然我十分慶幸今天一起來就非常文筆流暢啦）

但還是要休息一下‥下回再續‥‥‥

睇書路線

童年時家境貧窮，六年級時眼見個個同學仔都添置電腦，唯獨我就依然忘穿秋水都係乜都冇。
因此，升中前，我冇咩娛樂，除左聽謝霆鋒，就係圖書館流連。

現在回望，真感激有個咁既童年，因為咁睇書就成為我既source of happiness..
所謂３歲定８０，我諗我既睇書preference 一早就咁就定左落黎。

童年時一路都係睇翻譯小說多，即係簡愛呀、老人與海呀、咆哮山莊呀‥不過我依家已經冇哂記憶。
唯獨最有印象就係百年孤寂，內容係關於家族經歷既六代興衰。
到依家我都仲會每年翻睇一次。



到左某個時間，翻譯小說已經滿足唔到我。
我開始對歷史同埋人物傳記有興趣（注意：當時係小學時期）
更沙卜地行去成人圖書館睇關於戰爭既書（好變態）

好啦，大個啦。開始接觸日本小說（天呀，日本既任何一樣文化都係咁引人入勝）
第一本入門既係村上春樹既<1q84>.............. 完全係著迷。
自此就開拓左一路新既睇書路線 - 村上春樹既長篇小說



長篇小說既文字同內容係需要時間同精神咀嚼，
可惜出左黎做野之後，心身俱疲，完全係以龜速閱讀...
到依家只係完成左60%‥

當然.. 有時放工.. 腦細胞已經死左90%.. 睇散文都係一個唔錯既選擇
個人非常有誠意熱烈強烈strongly & highly recommend 以下散文書籍



<俗loud> - 唔建議係街睇，除非唔介意見到你失常咁對住本書笑



<你睇我唔到> - 如果你覺得你係全宇宙最不幸既人，請你將此書讀一萬次




<空轉人生> - 19-20歲都算係我人生最低潮既時候... 幸好有岩岩空轉完既王貽興扶我一把..

真的不是開玩笑，鬧著玩

對上一篇blog是: 2011年4月23日。

偷懶了一年有多。

天呀，這一年我大腦彷彿閉塞了，與文字絕了交。

在這個空白期，我去了那裡？

嗯，我在2011年7月找到新工作，現在做了一年有多了。

對於fresh grad的我來說，整個工作環境既陌生，但又充滿新鮮感。

頭半年做得很輕鬆，蠻有趣的。

同事亦很好（我真心覺得自己好幸運，每份工都遇到好同事）

好啦，大半年過了，工作量勁增，壓力也很大。

可惜熱情和新鮮感都減退了。

換來只係行屍走肉，每天例行公事活像機械人般返工放工。

最多只係星期五六出外大魚大肉一下。

書，有看，但是龜速。試過三四個月都仲係睇同一本書。

歌，有聽，但無心細味。

戲，有看，但看的戲，易明、通俗，最好唔洗用腦。

更何況係要大腦靜靜地沉澱地寫Blog?

只不過，我真的不能讓自己咁樣hea落去...

我必須與文字再度聯繫，那怕是用文字記載自己怎樣衰老‥

感謝之前兩位同我講過我應該要繼續寫blog 的朋友。
你地應該係5隻手指數得哂既觀眾。

年中與男友去過的曼谷之旅‥算係令我成年最身心放鬆既時間‥

苦戀不一定是浪漫 不必欺騙人

之前見到電視播<心有靈犀>不期然藐兩藐
畢竟眼見身邊人的經歷加埋自己遇過的
雖不至於萬念俱灰
但都唔敢抱太大期望
唔受傷已經係奇蹟‥一生一世咁圓滿談何容易？

所以....
倒不如睇或者<十二夜>仲好啦
當係自我保護又好... 愛的教育又好啦..